Empyak Papat Cagak Siji

Empyak Papat Cagak Siji

Empyak papat cagak siji

Empyak papat cagak siji

Yook pra kanca padha dolanan cangkriman….. Mangga diwaos tulisan nganggo aksara Jawa iki….. 

Sapa kang wus bisa? Hehe aku ya nyerah koq ora bisa maca tanpa diréwangi kanca. Inggih leres…empyak papat cagak siji……. [lah rak kaya kegedhèn empyak kurang cagak…..kegedhèn karep kurang krenteg…kaya kang duwé blog Wijikinanthi, targèt postingan siji saben sasi waé ora keconggah banjur bolong bolong postingané]

Mangga, pra kanca apa ya batangané…empyak papat cagak siji….mangga dipirsani manèh tulisan aksara Jawa ing sakngisore gambar…se-ma-(ng)-gi…yuuup semanggi.

Semanggi mengkana tanduran paku banyu saka marga Marsilea kang akeh ditemokaké ing Indonesia, kayata ing galengan sawah. Wujude pancèn élok ayu, saben papah godhong arupa reroncèn godhong setangkep ana kang cacah telu, papat nganti lima. [mula katelah empyak papat cagak siji] Semanggi kang dipanèn saka panggonan kang aman bisa diolah kanggo jangan upamané dipecel, jan pecel semanggi rasané wuénak tenan.

Semanggi uga duwé sipat bisa nyerep racun ‘logam berat’ kayata Plumbum (Pb) uga Cadmium (Cd) mula kerep dianggo bioremidiasi pérangan kang tercemar. Biasané ing daerah industri, mula semangginé ora prayoga yèn diolah dadi janganan.

Semanggi uga ditiru kanggo rancangan ‘jalan layang’ kayata layang Semanggi ing Jakarta kanggo ngurangi padheting lalu lintas kang semrawut. Pranyata akèh ya kagunan semanggi ing urip padintenan. [Postingan iki kagem ngengkuyung usaha bisnisé sedulur mboknewage kang miwiti kanthi kaos ciri khas tulisan aksara Jawa]

Iklan
Pos ini dipublikasikan di Kawruh Basa, Kawruh Sapala dan tag , , . Tandai permalink.

Satu Balasan ke Empyak Papat Cagak Siji

  1. kutukamus berkata:

    Em.. anu.. ’empyak’ niku nopo nggih?
    PS: nami kulo ting mriki Tekal (telmi radikal)
    ____
    empyak punika ‘atap’, menawi cagak punika ‘tiang’
    wah wonten bancakan malih nggih Mas KK..

    Suka

Sekar adi saking pamaos

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s