Wedang Soklat Rempah

Wedang Cokelat Soklat Rempah

wedang cokelat anget

wedang cokelat  soklat anget

Udan nggrejih ing sasi Pebruari, hawa krasa atis, awak gampang pating greges. Paling wuenak ya ngunjuk wedang kang anget panas. Teh ginasthel, apa kopi luwak, apadene wedang cokelat soklat. Ngrembuk wedang cokelat soklat dadi kelingan jaman mbiyen rikala isih cilik, cokelat soklat bubuk kang kawentar yaiku cokelat soklat windmolen, kardus wadahe ana gambare nonik Walanda ing ngarep kincir angin.

Bubuk cokelat soklat asale saka wiji woh kakao kang diproses. Indonesia iku misuwur ing babagan ekspor kakao, oleh peringkat katelu sakdonya sawise negara Pantai Gading lan Ghana. Emane durung bisa ekspor olahan wiji kakao iki. Negara Jerman, Amerika Serikat, Swis uga Belgia kang ora akeh nandur kakao malah dadi negara digdaya ing babagan ekspor olahan arupa maneka warna cokelat soklat. Dadine sok ngguyu mringis yen antuk oleh-oleh cokelat soklat merk X saka negara Y lha wong asline gek-gek asil kakao saka nggone dhewe.

Ana maneh cara ngunjuk wedang cokelat soklat panas yaiku ditambahi maneka rupa rempah jae, adas manis, kayu manis apadene cengkeh. Wis jan rasane tambah nyamleng, legi, gurih tur anget karana rempah. Paling gampange brayatku nggunakake bubuk cokelat soklat dicampur jae instant, plang plung grujug udeg banjur srupuuut. Apa panjenengan iya remen ngunjuk wedang cokelat soklat rempah?

Katrangan: Miturut bausastra (kamus) Jawa, Mangunsuwito (2010) apadane Tim Penyusun Balai Bahasa Yogyakarta 2000, soklat arane tanduran wohe ana isine, adate didadekake bubuk kanggo gawe roti lsp., Theobroma cacao,  soklat uga dianggo nggambarake warna abang semu ireng, nuwun.

Iklan
Pos ini dipublikasikan di Kawruh Sapala, Sekar Setaman dan tag , , . Tandai permalink.

3 Balasan ke Wedang Soklat Rempah

  1. Ping balik: Bausastra Jawa | Wijikinanthi

  2. lois berkata:

    Mboten nginten yen wiji sokelat/kakao menika sampun dados barang ekspor kelas internasional saking Indonesia. Yen kula inggih langkung mileh teh wangi mawon ketimbang wedang sokelat.
    ____
    Matur nuwun sanget, estu kula radi ewet tembung sokelat kasinggihan panjenengan ugi emut sokelat. Inggih wiji kakao dados andalan ekspor Indonesia.
    Wah unjukan teh wangi dados karemenan panjenengan. Nuwun

    Suka

  3. Ping balik: Dari Kakao ke Cokelat | RyNaRi

Sekar adi saking pamaos

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s