Kluwung ing Brayat

Kluwung ing Brayat

Kluwung ing Brayat

Pamaos Wijikinanthi, sugeng pepanggihan malih. Nyuwun pangapunten kang tengga blog boten nate atur pasugatan enggal. Hangaturaken panuwun katur para rawuh kang karsa maos blog punika.

Salah satunggaling wujud berkah inggih arupi brayat. Wonten brayat ingkang cekli inggih bapa, ibu, saha putra. Wonten ugi brayat kang rowa, makempal simbah/eyang, rama, ibu, putra, malah wayah. Saking brayat inti dados brayat ageng.

Minangka kempalaning pribadi, brayat ugi nggadhahi sifat kang mawarni-warni. Saben pribadi nyunaraken karakter pribadi kang benten boten sami. Sinaosa sagotrah nunggil rama ibu, tetep kemawon wonten karakter khas.

Punapa lajeng nuwuhaken dredah miwah congkrah? Tamtunipun boten. Saben manungsa karipta kanthi edipeni miturut karsa Hyang Maha Adi. Saben titah pinaringan sunaring jati.

Kadosdene ing pasugatan pamuji koor. Boten hanamung swara tunggal. Wonten harmoni saking sopran, alto, tenor, saha bass. Adamel endahing pamuji kekidungan utawi tetembangan.

Mekaten ugi, taman sekar kang nunggil rupa kang endah. Maneka warna sekar ugi ngetingalaken regeng. Boten adamel bosen, awit wontenipun wujud, rupi saha ganda kang maneka.

Brayat kadya kluwung (Pelangi, bahasa Indonesia). Nyunaraken mawarni ing spektrum warna. Saking satunggal kempalan berkas warna pethak lajeng milah rupi. Wonten abrit, jingga, jene kuning, ijo, ireng, biru, nila, sarta ungu.

Ugi warna paduan gradasi sakumpami kuning pucet, kuning ndog dadar, emas ngantos jingga. Nunggil sari benten sorot. Saben warni inggih nyunaraken kaendahan kang asumber saking warna jati. Warna kluwung kang nyunaraken bias saking surya utama.

Saben ningali kluwung kang medhal sakbibaring jawah. Mandheng kaelokan. Kadospundi saking bulir toya jawah kang nampi surya saking srengenge ngedalaken kluwung kang endah. Brayat minangka tuking kaendahan kakiyatan ing pagesangan.

Brayat dados beteng karosan. Jujugan rikala ngraosaken lungkrah. Papan wangsul saking lelampahan tebih lan ngrekaos. Ingkang kanthi tinarbuka nampi saben wargaming kang rumaos tinebihken dening kadang. Inggih brayat mujudaken tuking kabingahan ing sadengah kawontenan kang nggegirisi.

Sumangga hangrimati memetri kluwung ing brayat. Nuwun

Pranata Mangsa, Mareng Pangarep-arep

Pranata Mangsa, Mareng Pangarep-arep

Pari kang wus meh panen

Para kadang pamaos Wijikinanthi kang dahat kinurmatan, mugya samya rinenggan tentrem rahayu. Waduh… sampun meh satunggal warsa, blog punika boten atur pasugatan seratan enggal. Estu kadya paribasan gegedhen empyak kurang cagak kemawon.

Wekdal punika ndungkap pungkasaning wulan Maret 2021. Manawi miturut Pranata Mangsa lumebet ing mangsa kasepuluh (Srawana) kawiwitan 26 Mar – 18 Apr (24 dinten). Inggih Mareng – Pangarep-arep.

Oh Galih

Oh Galih

Pamaos Wijikinanthi, menawi mireng tembung Galih, punapa ingkang panjenengan bayangaken? Inggih, nami lare utawi pyantun jaler. Sakumpami Galih lan Ratna, kados ing tembang utawi film.

Seratan punika mijil saking pirembagan whatsap (WA) kaliyan Romo (panuntun umat Katolik) ingkang nembe nglajengaken pasinaonan ing Roma, Italia. Tepang awit sesami nyerat ing platform Kompasiana, sinaosa dereng tepang sacara nyata.

Panjenenganipun ngaken menawi sanes pyantun Jawa tulen (kados punapa nggih ciri ingkang tulen?). Miterang ngengingi teges tembung galih. Punapa leres ateges (1) inti kayu saha (2) mempertimbangkan dalam hati. Tuladha minangka tembung kriya (kata kerja), dipun penggalih. Menawi ngginakaken ukara aktif, kados pundi? Punapa menggalih?

Tembung Ngédap-édapi

Tembung Ngédap-édapi

Bausastra Jawa

Para sutresna, kadang pamaos blog Wijikinanthi ingkang ambeg asih, maturnuwun taksih karsa rawuh ing blog punika. Sumangga sesarengan nelakaken katresnan dhateng budaya lumantar olah raos basa.

Artikel  kapengker nun inggih Statistik Blog Wijikinanthi, tetela bilih wiji alit ingkang katanem lumantar blog punika, kados-kados wonten ingkang ngersakaken. Malah kumawantun matur, para pamaos karsa paring dhawuh, topik punapa ingkang dipun kersakaken.

Statistik Blog Wijikinanthi

Statistik Blog Wijikinanthi

Para pamaos blog Wijikinanthi ingkang dahat kinurmatan, maturnuwun taksih karsa rawuh ing blog punika sinaosa mboten wonten atur pasugatan seratan enggal. Estu kula rumaos kaget rikala ningali statistik blog punika.

Wiwit wulan Januari 2015 ngantos wulan punika November 2019, wonten kemawon ingkang mirsani. Malah warsa 2018 kapengker ngantos 2019 punika langkung kathah.  Artikel ingkang kathah kawaos ngengingi sekar kinanthi perangan saking sekar macapat.

Nuwuhaken pitakenan, punapa wonten indaking kawigatosan tumrap basa dan kabudayan Jawi?

Rumantia….

Rumantia….

Rumantia lan jumagaa… Mekaten pepenget ing wekdal advent 2013, lan dhawuh punika ugi tetep wigati ing advent 2016. Rumantia lan jumagaa… Punika reblog saking https://rynari.wordpress.com/2013/12/01/rumantia/

RyNaRi

Lihat pos aslinya

Ariwarti lan Kalawarti

Ariwarti  lan Kalawarti

Jaman rumiyin rikala kula taksih alit wonten maneka warni ariwarti tuladhanipun Dharma Kandha, Dharma Nyata. Ariwarti mekaten serat kabar ingkang terbitipun saben dinten. Maneka rubrik ingkang dipun babar saking ingkang politik, babagan ekonomi ugi bab basa lan sastra.

Wonten malih kalawarti, inggih punika serat kabar mliginipun arupi majalah ingkang terbitipun kala mangsa ingkang sampun tartamtu umpaninipun minggon utawi wulanan. Ingkang kawentar inggih punika Panjebar Semangat saking kitha Surabaya ingkang taksih saged atur warta ngantos sakpunika. Rubrikipun inggih mawarni-warni, kula remen sanget kaliyan rubrik apa tumon…waosan ingkang adamel lucu bingah ugi nggemesaken.

Dene seratan ing blog punika tebih sanget saking ariposting, seratan ingkang dipun posting saben dinten. Lah posting minggon punapa dene wulanan kemawon boten saged. Raosipun malah kepara dwiwulanan. Sedya kawitan nyerat ing blog punika sageda minangka sarana sinau nggegulang basa Jawi, sokur dene saged mbereg para kadang sutresna budaya kagem sesarengan nyerat, sambung raos lumantar kolom komentar. Sinaosa estunipun tebih saking ancas, mugya boten kemba anggen kula sinau sastra budaya Jawi kanthi atur pasugatan seratan mirunggan, lah punika kalapostingan inggih postingan ingkang karacik kala mangsa saksagedipun panyerat. Nuwun

Kegedhѐn Karep Kurang Sregep

Kegedhèn Karep Kurang Sregep

Pamaos Wijikinanthi kang kinabektèn, apa panjenengan kangen karo pasugatan tulisan anyar ing blog iki? Wéladalah géèr kegedhèn rumangsa ana sing ngangeni tulisan…. Ganep rong wulan, blog Wijikinanthi ora atur pasugatan tulisan anyar.

Lena lan Sinom

Lena lan Sinom

Lena dening Teater Palma SMAN 1 Tengaran

Sasi Kirana atur pasugatan ndhudhuk ndhudhah budaya Jawi kanthi jejer Sinom kaadanan ing surya 13 Mei 2016. Murwakani acara dipun kepyakaken naskah kanthi irah-irahan lena ingkang dipun serat saking naskah ‘Lena Tak Pulang’ anggitanipun Muram Batubara. Kepyakan edi dipun aturaken dening Teater Palma SMAN1 Tengaran [ingkang wulan kapengker nderekaken piwucal sekar Kinanthi], ingkang paring pemut menggah wigatosipun panggulawenthah ing brayat alit. Piwucal budi pekerti, nengenaken ingkang utami wonten ing jagading kawula anem mekaten ugi para bapa biyung.

Jadah Mbah Karto

Jadah Mbah Karto

Jadah Mbah Karto

Para pamaos wijikinanthi ingkang tuhu kinurmatan, kula gadhah langgangan kagem mundhut jadah ing Sela, Kabupaten Boyolali, inggih punika jadah damelanipun Mbah Karto. Jadahipun pulen, raosipun gurih awit klapanipun cekap kathah. Langkung nyamleng, jadah punika dipun dhahar sesarengan serundeng saha tempe bacem. Mapan ing sacelakipun peken Sela. Sumangga dipun cobi, rak mangke dados pacitan klangenan……